Kanadanın Montreal Universitetinin apardığı araşdırmaya görə, qadınların beyini istirahət edərkən belə çalışır.

Qadınlar istirahət edərkən bir çox şey haqda düşünürlər, kişilər isə istirahətdən həzz alırlar. Alimlər sübut ediblər ki, qadınlar məsuliyyətli olduqlarına görə kişilərdən daha çox düşünürlər. Amma tədqiqat zamanı o da üzə çıxıb ki, istirahət zamanı qadınlar detallar üzərində daha çox düşünüb, istirahəti özlərinə zəhər edirlər.Məsələn, tətildən sonrakı qayğılar, iş yerindəki problemlər onları relax olmağa qoymur. Son nəticədə isə beynini yükləyən zərif cinsin nümayəndəsi istirahətin dadını çıxara bilmir. Araşdırmalar onu da göstərib ki, qadınlar istirahətdən sonrakı dönəmdə də ondan yaxşı zövq ala bilmədikləri üçün özlərini günahkar hiss edirlər.