“Əslində dolların qalxması neftin qiymətinin düşməsi ilə bağlıdır.

Bu məsələ məni çox narahat edir. Ölkə prezidenti bu haqda danışıb. Qeyd etdi ki, planlı şəkildə hazırlanan bir təxribatdır. Biz də bundan əziyyət çəkirik.

Bizim büdcənin böyük hissəsi neft və qazdan gələn gəlirdən ibarətdir. Neftin qiyməti 39 dollara düşəndə status yazmışdım. Yazmışdım ki, manat öləcək. Bu danılmaz və qaçılmazdır”.

Bu sözləri “Qafqazinfo”ya açıqlamasında müğənni Nura Suri söyləyib.

İfaçı bahalaşmada vətəndaşların da payının olduğunu bildirib:

“Bunun qarşısını özümüz ala bilərdik. Məsələn, sən bu kənd toyuğunun qiymətini niyə qaldırısan? Adi dən yeyir. Bu qarışıqlığı yaradan özümüzük. İstəsək vəziyyətdən çıxış yola tapa bilərik. Hər yerdə neftin qiymətinin aşağı düşməsi böyük təsir göstərir. Yenə devalvasiyanın baş verməsindən narahatam.

Devalvasiya 100 faiz baş verib. 78 manatdan 155 manata qalxıb. İnflyasiyanı 4 faizdən hesablayırlar. Mənim fikrimcə inflyasiya daha çoxdur. Bütün ərzaqların qiyməti qalxır. Bəs pensiya və maaşlar nə qədər artacaq? İnsanlar bu pensiya pulu ilə ərzaq ehtiyyatlarını təmir edirlər. İndi o pul həmin şəxləri görəcək?”