“Arzu edirəm ki, vəfat edəndə məni torpağa qoymasınlar. Gözəl bir qoz ağacından tabut düzəltsinlər. İçini qəşəng krujevalarla bəzəsinlər, gözəl qapağı da olsun. Məni yerə qoymasınlar, qurd-quşdan qorxuram”

 AzerTaym.az xəbər verir ki, bu barədə bu gün dünyasını dəyişən xalq artistİ İlhamə Quliyeva vəsiyyətində deyib.
Televiziya verilişlərindən birinə müsahibə verən İ.Quliyeva yaxınlarından xahiş edib ki, onu qoz ağacından olan tabutda dəfn etsinlər: 
Qeyd edək ki, İlhamə Quliyeva 17 avqust 1943-cü ildə Bakı şəhərində anadan olub. O, 1964-cü ildə Azərbaycan Dövlət Universitetini bitirib. 1965-1970-ci illərdə Azərbaycan Dövlət Teleradio Verilişləri Şirkəti Estrada Orkestrinin, 1970-1980-ci illərdə Azərbaycan Dövlət Filarmoniyasının solisti olub. 
İ.Quliyeva 1980-ci ildən Azərbaycan Dövlət Qastrol-Konsert Birliyinin ("Azkonsert") solisti olub. Repertuarına Azərbaycan və xarici ölkə bəstəkarlarının əsərləri daxildir. O, bir sıra xarici ölkələrdə (İngiltərə, İspaniya, Danimarka, Türkiyə, Almaniya və s.) qastrolda olub.