"Boltona dedim ki, ONLARDAN SORUŞ, gör münaqişəni həll etməyə hazırdırlar, YA YOX?!"
"Mən Con Boltondan Ermənistanın yeni rəhbərliyinə belə bir sual verməsini xahiş etdim: Dağlıq Qarabağ münaqişəsini həll etməyə hazırdırlar, ya yox?!"
Bu fikirləri jurnalistlərə açıqlamasında xarici işlər naziri Elmar Məmmədyarov ABŞ Prezidentinin milli təhlükəsizlik məsələləri üzrə müşaviri Con Boltonun Azərbaycana səfərini şərh edərkən bildirib.
"Ümumilikdə, onlar nə istəyirlər? Azərbaycan və Türkiyə ilə normal münasibətlər yaratmağa, qonşuluq qurmağa hazırdırlarmı? Təbii ki, əgər hansısa ölkə, o cümlədən Ermənistan rəhbərliyi Azərbaycan və Türkiyə ilə normal qonşuluq münasibəti qurmasa, onda müstəqilliyi böyük sual altına düşür. Bu, birmənalıdır", - nazir deyib/Report.
