Təhsil nazirinin açıqlaması əhalidə çaşqınlıq yaratdı - Hökumət bağçaları bağlayıb-bağlamamaqda qərara gələ bilmir...

 Bakı Şəhər İcra Hakimiyyəti aprelin 5-dən Bakı, Sumqayıt, Gəncə, Şəki şəhərləri və Abşeron rayonundakı bağçaların da bağlanacağını elan etsə də, Təhsil naziri Emin Əmrullayev aprelin 4-də sosial şəbəkə hesabında bu xəbəri yalanladı. O bildirdi ki, bağçaların distant formada fəaliyyəti mümkün olmadığından, çoxsaylı müraciətlər nəzərə alınaraq, bağçalar bağlanmayacaq.

 Bu gün isə azyaşlı övladını bağçaya aparan valideynlərə “biz işləmirik” cavabı verilib.

 Paytaxtdakı məktəbəqədər təhsil müəssisələri Bakı Şəhər İcra Hakimiyyətinin balansında olduğundan buna təhsil nazirinin açıqlama verməsi əhalidə çaşqınlıq yaradıb.

 "AzerTaym.az" modern.az-a istinadən xəbər verir ki,məsələ ilə bağlı Bakı Şəhər İcra Hakimiyyətindən rəsmi açıqlama veriləcəyi bildirilib.

Eyni zamanda, Təhsil Nazirliyinin mətbuat xidmətinin tərhbəri Cəsarət Valehov deyib ki, bağçalararla bağlı qısa müddət ərzində təfərrüat tam aydın olacaq.