Ləğv edilmiş Milli Təhlükəsizlik Nazirliyinin (MTN) keçmiş idarə rəisi Akif Çovdarovun oğlu Ruslanın Azərbaycandan çıxışı məhdudlaşdırıla bilər.

Gununsesi.info İqtisadiyyat.az-a istinadla xəbər verir ki, bununla bağlı Bakı Kommersiya Məhkəməsinə müraciət olunub.

Belə ki, Dövlət Vergi Xidmətinin Bakı şəhəri Lokal Gəlirlər Baş İdarəsi Ruslan Akif oğlu Çovdarovun vergi borcuna görə məhkəməyə ərizə ilə müraciət edərək onun Azərbaycandan çıxışına “stop” qoyulmasını xahiş edib.

İşə hakim Zaur Pirverdiyevin sədrliyi ilə baxılacaq.

Məhkəmə ərizəni təmin etsə, Ruslan Çovdarovun Azərbaycanı tərk etmək hüququ müvəqqəti məhdudlaşdırılacaq.

Qeyd edək ki, R.Çovdarov ötən ilin fevral ayında “RANT GROUP” MMMC adlı yeni şirkət açıb.