“Putinin sonu dəhşətli olacaq...”
“Tez-tez deyirlər ki, Rusiyanın tarixi gah xaosa, gah da despotizmə kurs götürür. Vladimir Putin hər iki vəziyyəti birləşdirən həmin nadir Kreml lideridir”.
Musavat.com-un məlumatına görə, bu fikir nüfuzlu “The Wall Street Journal” redaksiya məqaləsindəndir.
“Onun kobud əli ilk baxışda on illik təlatümlərdən sonra sabitliyi bərqərar elədi, ancaq yalnız ona görə ki, 2014-cü ilin sonunda özünün “böyük qarışıqlığına” stimul versin. Putin vergi ödəmə sistemini rasionallaşdırdı, fəqət, Rusiyanın modernləşməsi üçün faktiki heç nə eləmədi”, – deyə müəllif yazır.
Onun qənaətincə, Putin həqiqi seçkilərdə heç vaxt qələbə çalmayıb və millətin sevgisini qazanmayıb. “Cari xoşagəlməzlikləri onunla tez-tez söhbət edən insanları inandırıb ki, Putin pis psixi durumda, panika və çaxnaşma içindədir. O, öz xalqına və qonşularına zədə yetirib. 2015-ci ildə və ya az sonra bu hökmdarın sonu gələcək. Belə bir sonluq heç şübhəsiz, dəhşətli olacaq” – əminliklə yazır müəllif.
(Musavat.com)
