Ukraynanın paytaxtı Kiyevdə 9 May Qələbə Günü münasibətilə keçirilməsi planlaşdırılan mərasim və tədbirlər koronavirus səbəbilə ləğv edilib.

“AzerTaym.az" qafqazinfo-ya istinadən xəbər verir ki, bu barədə Kievin meri Vitali Kliçko açıqlama verib.

O, şənliyin formatının dəyişdirilməsini təklif edib, vətəndaşları telefonla veteranları təbrik etməyə və ailələrindən olan qəhrəmanlarla bağlı hekayələri sosial şəbəkələrdə paylaşmağa çağırıb.

“Bayram günü polis paytaxtda gücləndirilmiş iş rejimində fəaliyyət göstərəcək”,- deyə Kliçko qeyd edib.