33 türkün şəhid olduğu hücuma ABŞ-dan ilk KƏSKİN REAKSİYA: “Türkiyənin yanındayıq”
Suriyanın İdlib vilayətində 33 türk hərbçisinin şəhid olması ilə nəticələnən hücuma ABŞ-dan ilk kəskin reaksiya gəlib. "AzerTaym.az" Cebhe.info-ya istinadən xəbər verir ki, ABŞ Xarici İşlər Nazirliyinin ilk açıqlamasında “NATO müttəfiqimiz Türkiyənin yanındayıq. Türkiyəni bu böhranda ən yaxşı şəkildə necə dəstəkləyəcəyimizə dair variantlar üzərində işləyirik”,- deyilib. Məlumat üçün bildirək ki, Suriyanın İdlib vilayətində Türkiyə Silahlı Qüvvələrinin hava hücumuna məruz qalması nəticəsində 33 hərbi qulluqçu şəhid olub, çox sayda yaralı var. Bunu “Anadaolu”ya Hatay valisi Rahmi Doğan deyib:“Millətimizin başı sağ olsun”. Şəhid hərbçilərin sayı yaralılardan bir neçəsinin vəfat etməsi nəticəsində artıb. Bundan əvvəl 29 hərbçinin şəhid xəbəri yayılmışdı. 36 hərbçinin yaralı olduğu bildirilir. Hücumu Əsəd rejiminin nəzarətindəki ordu törədib. 
