Xəbər verdiyimiz kimi, Avropa Liqasının qrup mərhələsinin 3-cü turunda “Qarabağ” “Olimpiakos”u 3:0 hesabı ilə məğlub edib.

“Qafqazinfo”nun məlumatına görə, komandanın baş məşqçisi Qurban Qurbanov qarşılaşmada vurulan 3-cü qola maraqlı reaksiya verib.

 Nadir hallarda qol sevincini göstərən çalışdırıcı Ramil Şeydayevin mükəmməl zərbəsi zamanı sevincini gizlədə bilməyib.

Onun bu reaksiyası sosial şəbəkələrdə müzakirə mövzusuna çevrilib. Hətta Qurban Qurbanovun həmin fotosu Vətən müharibəsi zamanı qalibiyyət sevincini göstərən tankçının etdiyi hərəkətə bənzədilib.