Dövlət orqanlarında büdcə vəsaitləri necə xərclənir? - Hesablama Palatası nöqsanlar AŞKARLAYIB
Hesablama Palatasının 2016-cı ildə həyata keçirdiyi nəzarət tədbirlərinin nəticələrinin təhlilləri göstərir ki, ümumilikdə qurumlar tərəfindən müəyyən istiqamətlər üzrə 825 halda nöqsana yol verilib. Bu Hesablama Palatasının 2016-cı il üzrə hesabatında qeyd edilib. Qurumdan saytımıza verilən məlumatda bildirlib ki, büdcə qanunvericiliyinin, mühasibat uçotunun təşkili və hesabatlılığının təmin edilməsi istiqamətində, həmçinin satınalmalar prosesini və əsaslı təmir-tikinti işlərini tənzimləyən normativ-hüquqi aktların tələblərinin pozulması daha çox rast gəlinən nöqsanlardır. "Yol verilmiş nöqsanların məbləğ hissəsinə gəldikdə isə qeyd etməliyik ki, əsaslı təmir-tikinti işləri ilə bağlı nöqsanlar daha böyük çəkiyə malikdir. Belə ki, bu sahədə rast gəlinmiş nöqsan hallarının xüsusi çəkisi ümumi sayda 10,5 faizi təşkil edirsə, nöqsanların məbləğinin 25,8 faizi məhz tikinti ilə bağlı nöqsanların payına düşür”, - Hesablama Palatası bildirib(modern.az). Ümumi məbləğdə çəkisi (%-lə) Nöqsan növü İstiqamət üzrə say 21.0% Büdcə qanunvericiliyinin pozulması 237 25,8% Əsaslı qoyuluşlar üzrə nöqsanlar 87 0,1% Dövlət əmlakının istifadəsi ilə bağlı nöqsanlar 17 12,7% Dövlət borcu üzrə 10 7,7% Dövlət satınalmaları ilə bağlı nöqsanlar 171 12,5% Vergi qanunvericiliyinin pozulması 55 20,2% Mühasibat uçotu və hesabatlılıq ilə bağlı nöqsanlar 207 0,1% Büdcədənkənar fond, sosial təminat və sosial müdafiə ilə bağlı fəaliyyətdə nöqsanlar 41 Qeyd edək ki, Hesablama Palatasının 2016-cı il üzrə illik hesabatı Milli Məclisin aprelin 14-də keçiriləcək iclasında təqdim edəcək.AzerTaym.az
