Paytaxtda qorxunc hadisə; Qülləli kran aşıb, maşınlar əzilib, ölən və xəsarət alanlar olub -- FOTO
21-11-202420-11-202419-11-2024
Bu gün günorta saatlarında paytaxtda
dəhşət doğuran qorxunc hadisə baş verib. Bakı şəhəri, Nərimanov rayonu, Mövsüm Sənani küçəsi, 29 ünvanında "Qarant İnşaat -- 2012" MMC-nin tikintisini apardığı 16 mərtəbəli yaşayış binasının yerləşdiyi ərazidə, tikinti şirkətlərindən birinə məxsus qülləli
kran yaxınlıqdakı 9 mərtəbəli binanın və qarşısında dayanan avtomobillərin üzərinə aşıb. araz.az xəbər portalının hadisə yerində olan müxbirinin verdiyi məlumata görə, küçədə dayanan 5 avtomobilin üzərinə də aşan kran, həmin maşınları tam yararsız vəziyyətə salıb.Verilən ilkin rəsmi məlumata görə, kabinada olan krançı ölüb, bir nəfər kran quraşdırıcısı isə, özünü, tikintisi gedən qarşıdakı obyektin üstünə atıb. Ciddi bədən xəsarətləri alan həmin şəxsin vəziyyəti də kritikdir.
Onu da qeyd edək ki, hadisə barədə Fövqəladə Hallar Nazirliyinin "112" qaynar telefon xəttinə məlumat çatdırılıb. Dərhal hadisə yerinə aidiyyatı dövlət qurumlarının əməkdaşları gəliblər. Verilən məlumatlara görə, hadisənin baş verdiyi əraziyə cəlb olunan FHN-in Xüsusi Riskli Xilasetmə Xidmətinin və Dövlət Yanğından Mühafizə Xidmətinin müvafiq xilasetmə qüvvələri əməliyyat şəraitini qiymətləndirərkən, qorxulu bu hadisənin baş vermə səbəblərini müəyyən ediblər. Bu hadisə barədə, bir müddət öncə Bakı Nəqliyyat Agentliyi də məlumat yayıb. Verilən məlumatlara görə, kranın üstünə aşdığı, Azadlıq prospekti ilə Nəsib bəy Yusifbəyli küçəsinin kəsişməsinə yaxın ərazidəki doqquz mərtəbəli köhnə yaşayış binasına da ciddi zərər dəyib. Xoşbəxtlikdən, bina sakinləri bu təhlükədən xəsarət almayıblar.
Bu qorxunc hadisəni nəzərə alan aidiyyatı qurumlar, artıq, Möhsün Sənani və Nəsib bəy Yusifbəyli küçələrindən Həsən Əliyev küçəsinə və şəhər istiqamətində Azadlıq prospektinə avtomobillərin girişini də bağlayıblar. Hazırda avtomobillər, eləcə də müntəzəm və ekspres xətlər üzrə avtobuslar alternativ yollardan keçməklə hərəkət edirlər. Sürücülərdən zərurət olmadığı halda bu istiqamətdə hərəkətdən çəkinmələri də xahiş olunub.
İndi hadisə yerinə FHN əməkdaşları cəlb olunublar. Onlar aşan kranın qaldırılması üçün çalışırlar.
Fikirlər
-
Reklam
-
Əsas xəbərlər
