Vətən müharibəsində yaralı əsgərlərə xidmət göstərmiş tibb işçiləri Gəncəyə səfər ediblər - FOTOLAR
Vətən müharibəsində yaralanan əsgərlərimizə xidmət göstərmiş tibb işçiləri 8 Noyabr - Zəfər Günü ərəfəsində Gəncədə törədilən terror hadisəsinin olduğu əraziyə baş çəkiblər "Report"un Qərb Mərkəzinin məlumatına görə, bir qrup həkim Ermənistan Silahlı Qüvvələri tərəfindən Gəncədə törədilən terror hadisələrinin baş verdiyi ərazidə olublar. Qonaqlar burada şəhid olanların xatirəsini yad edib, ruhlarına dualar oxuyublar. Qeyd edək ki, tədbiri "Gəncə Şəhər Birləşmiş Xəstəxanaları" publik hüquqi şəxs təşkil edib.