Martın 6-da ölkənin qərb və cənub rayonlarında əsən güclü külək və qasırğa səbəbindən bəzi yerlərdə elektrik xətlərinin dayaqları aşıb.

“Azərişıq”dan “AzerTaym.az”-a verilən məlumata görə, nəticədə bəzi kəndlərin elektrik enerji verilişində fasilə yaranıb.

Qəzanın baş verdiyi yerlərə dərhal “Azərişıq” ASC-nin mal-materiallarla təchiz edilən “Qəza xidməti” cəlb edilib.

Hazırda işlər sürətlə davam etdirilir. Regionun həmin ərazilərində elektrik enerjisinin verilişi mərhələli şəkildə bərpa edilməkdədir.