10.02.2014. - Bakının ən böyük prospektində ürəkləri ağıza gətirən zəncirvari qəza
AzerTaym.az-ın dünən gecə təsadüfən hadisə yerində olan əməkdaşı bildirir ki, Heydər Əliyev prospektində 3 maşın toqquşub. 2 "Mercedes" və "VAZ-2107" bir-birinə dəyib.
Qəza zamanı "VAZ-2107"də olan ailə üzvləri xəsarət alıblar.
Qəzaya düşən "Mercedes"lərdən biri xarab olduğundan yolun kənarında saxlayaraq evakuator gözləyirmiş. Hərəkətdə olan "VAZ-2107" isə yol kənarında dayanmış "Mercedes"i görərək sürəti azaldıb. Bu zaman arxadan gələn başqa bir "Mercedes" arxadan "VAZ-2107"ni vurub. "VAZ-2107" isə xarab olan "Mercedes"ə dəyərək hərəsi bir tərəfə düşüb. "Jiquli"də olan ailə üzvləri xəsarət alıblar, azyaşlı uşaqlar şoka düşüblər.
Hadisə yerinə nə yol polisi, nə də təcili yardım maşını gəlmişdi. 
