Səsi, istedadından daha çox erotik rəqs etməklə yaddaşlarda qalmağa çalışan müğənni Nüşabə Musayeva izləyicilərini təhqir edib.

Minval.İnfo xəbər verir ki, müğənni fotosuna mənfi rəy yazanları ən ağır ifadələrlə təhqir edib. N.Musayeva özünün rəsmi “İnstagram” hesabında fotosunu paylaşaraq, müsbət fikir bildirənlərə təşəkkür edib. Həmin fotonun şərh bölməsində isə bəzi izləyiciləri onu tənqid edib.

Buna cavab olaraq isə müğənni onların özlərini, ailə üzvlərini təhqir edib. İzləyiciləri bunun ardından ona cavab olaraq, “Günah səndə deyil, səni efirə çıxardan, reklam edib bizə müğənni kimi təqdim edəndədir”, “Müğənnimiz belə danışandan sonra başqasından nə gözləyəsən?” tipli şərhlər yazıb, onu qınayıblar.

Sosial şəbəkələrdə edilən təhqirə görə müğənni həbs cəzası da ala bilər. Mövzunu davam etdirəcəyik.

Həmin yazışmaların fotolarını təqdim edirik:

Xüsusi qeyd: Görüntülərdə təhqiramiz ifadələr senzuralanmış halda təqdim edilir.