Aybəniz Haşımova uşaq evində böyüyən şəhidin anasına səsləndi...

Aybəniz Haşımova uşaq evində böyüyən şəhidin anasına səsləndi

Əməkdar artist Aybəniz Haşımova uşaq evində böyüyən şəhid Səbuhi Əhmədovla bağlı paylaşım edib.

"AzerTaym.az" yenisabah.az-a istinadən xəbər verir ki, şəhidin fotosunu sosial şəbəkə hesabında yayımlayan Haşımova onun anasına səslənib: 

“SOS uşaq kəndində böyüyüb bu balamız. Nə anası, nə də ki atası var. Allahdan yox, bəndələrdən qurma bir ailəsi var idi. Bir neçə atılmışlardan qurulan bacı, qardaş və onlara baxacaq qadın, hansı ki, o körpələr ona ana deyib çağırırdılar.

Dəfələrlə kənardan müşahidə etmişəm və öz-özümə sizi buralara atıb gedən anaya, ataya nə deyəsən ki, adamın ürəyi soyuya demişəm. Həmin o, vaxtilə atdığın oğul şəhid olub. İndi gəl heç olmaya balanı bağrına bas, ağla, ey qadın. Axı, indi onu sənin kimi ağlayan olmayacaq...

Dünən 50 şəhidin xəbəri qəlbimi param-parca edib. Allaha ağır getməsin əllərim yanıma düşüb, heyim qalmayıb”.






Fikirlər