Türkiyədə hər kəsi təəccübləndirən hadisə yaşanıb.

“Qafqazinfo” Türkiyə KİV-nə istinadən xəbər verir ki, türkiyəli ailə qadın bildikləri ailə üzvlərininin kişi olduğunu öyrəniblər. İnanılmaz olay Müge Anlının verilişində üzə çıxıb. Belə ki, Çapa Tibb Fakültəsi Xəstəxanasında tibb bacısı işləyən 60 yaşlı Şükran Aktaş 8 mart günü dünyasını dəyişib və ölümü şübhə doğurduğu üçün meyit məhkəmə tibbi-ekspertizasında müayinədən keçib. Bu zaman Aktaşın kişi olduğu məlum olub. Bunu eşidən ailə üzvləri- qadının həyat yoldaşı və 22 yaşlı qızı şok keçirib. Kişi “Bu necə olur? Mənim həyat yoldaşım qadındır və məndən uşaq dünyaya gətirib”,- deyib. Məsələ ilə əlaqədar polis araşdırmalara başlayıb və ölən Şükran Aktaşın əslində Nail Ç. adlı şəxs olduğu üzə çıxıb. Məlum olub ki, illər öncə Şükran Aktaş adlı qadının şəxsiyyət vəsiqəsi oğurlanıb. Ölən Nail Ç. onun adı ilə yaşayıb.

Hadisəni ölən Nail Ç.-nin ailəsi eşidəndə təəccüblənib. Onun böyük qardaşı “Bir gün kəndə gəldi, əsgərliyə gedəcəm dedi. Sənədlərini aldı və getdi. O gündən sonra ondan heç bir xəbər almadıq”,- deyib.

Proqrama zəng edən bir izləyici isə Nail Ç.-ni illər əvvəl tanıdığını deyib. O, “Kumburqazın köhnə sakinləri Naili tanıyır. O, əvvəllər dənizə kişi kimi girirdi. Bir gün qadın çimərlik geyimi ilə dənizə girdiyini gördük, amma hələ əməliyyatla qadına çevrilməmişdi. Ondan bir neçə gün sonra qucağında bir körpə gördüm. Ondan soruşdum ki, uşaq kimindir? Nail körpəni kasıb bir qadından övladlığa götürdüyünü dedi. Bi müddət sonra isə ortalıqda görünmədi”,- bildirib.