Əməkdar artist Tünzalə Ağayeva sağlam və gənc görünməsinin sirrini izləyiciləri ilə bölüşüb.

Publika.az xəbər verir ki, əməkdar artist rəsmi instaqram hesabında detoks suyunun hazırlanma qaydasının videosunu paylaşıb.

42 yaşlı sənətçi əlavə edib ki, limon, cəfəri və kərəvizi blrenderdən keçirib hər gün suyunu içir.

Cəfərinin faydaları nələrdir?

Cəfəri arıqlamağa yardım edir. Dəmir vitamini əskik olanlar çoxlu cəfəri qəbul etməldir.

A, B1, B3, və C vitaminləri, kalsium və dəmir tərkibli olan xoş qoxulu cəfəri ət yeməkləri, şorbalar, duzlu keks və omlet, hətta plovlara dad verən gözəl bitkidir.

Böyrək və öd daşlarının düşməsinə kömək edir. İki-üç dəstə cəfərinin köklərini 4 stəkan suda qaynadın. Səhər və axşam bir çay stəkanı için. Bu çay öd və böyrəkdə olan daşların düşməsinə kömək edir.

Yeməkdən sonra ağızınızdan xoş qoxu gəlməsini istəyirsinizsə, bir neçə ədəd cəfəri çeynəyə bilərsiniz. Ağır və yağlı yeməkdən sonra özünüzü narahat hiss edə bilərsiniz. Bunu aradan qaldırmaq üçün yarım dəstə cəfərini qaynadıb az balla qarışdırdıqdan sonra içinə az miqdarda limon sıxın. Bu möcüzəvi içki həzmi asanlaşdırır.

Çoxlu cəfəri yemək, bənizimizin rəngini bərpa edir və dəriyə təravət bəxş edir. Cəfəri suyu ilə dəriyə kompres edilsə, dəri daha parlaq olur.

Cəfərinin orqanizmi zəhərlənmələrdən təmizləyici xüsusiyyətləri də var.

Böyük bir ovuc təzə cəfəri yarpağını bir litr suda qaynadaraq əldə edilən mayedən astma, klimaks problemləri, öskürəyi aradan qaldırmaq üçün istifadə etmək olar.

Təzə cəfəri suyu böyrək, sidik kisəsi və sidik yolu iltihablarını sağaldır.

Cəfəri suyunun eynilə digər şəfalı bitkilər kimi faydaları çoxdur. Cəfəri suyunda çox yüksək miqdarda xlorofil var. Bu xlorofil maddəsi orqanimz üçün böyük əhəmiyyət kəsb edir. Çünki xlorofilin qan azlığını aradan qaldrır. Qanın artmasıyla birlikdə böyrəklər qaraciyər və sidik yollarının təmizlənməsinə və daha yaxşı işləməsinə kömək etmiş olur.

Cəfəri ən zəngin C vitamini qaynaqlarından biridir. Hər səhər bir qədər cəfəri yemək gün ərzində bizə lazım olan C vitamininin böyük qisimini təmin edir.

Cəfəri siqareti yeni tərgidənlər üçün də olduqca faydalı bitkidir. Belə ki, bəlğəmlərin boğazdan xaric olunmasında cəfəri suyunun böyük rolu var.

Kərəvizin faydaları

Bəzi araşdırmalara görə, kərəvizdə bol miqdarda olan "apigenin və luteolin" adlı flavonoidler, xüsusilə pankreas xərçəngi müalicəsində, xərçəngli hüceyrələrin törəməsinin dayandırılması və şişin kiçilməsi üçün çox təsirlidir. Bu günə qədər aparılan araşdırmalar göstərir ki, gələcəkdə çıxarılacaq xərçəng dərmanları üçün kərəvizin bu xüsusiyyəti ümid vericidir.

Kərəviz həm də yüksək xolesterolu aşağı salmağa kömək edir. Kərəvizin yüksək qan təzyiqini aşağı salmağa yarayan komponenti, eyni zamanda xolesterolu da salır. Belə ki, gündə 4 ədəd kərəviz zoğu yemək xolesterolu 7 faiz azaldır.

Yüksək miqdarda suda həll edilə bilən qida lifinə malik kərəviz həzmlə əlaqədar qəbizlik kimi problemlərin aradan qaldırılması üçün istifadə edilir. Gündəlik 2-3 ədəd kərəviz zoğu yeməklə siz qəbizlikdən qoruna bilərsiniz.

Güclü sidik qovucu xüsusiyyətlərə malik olan kərəviz bədəni toksinlərdən təmizləyir və suyun bədəndən atılmasına kömək edərək maye tarazlığının təmin edir.

Yuxu probleminiz varsa, gecələr yatmazdan əvvəl 1 stəkan kərəviz zoğu suyu için. Kərəviz suyu sakitləşdirici və əzələləri rahatlaşdıran təsiriylə yuxu problemini aradan qaldırır.

Kərəviz zoğu və kərəviz suyu əzələləri rahatlaşdırıcı təsiriylə menstruasiya dövründə yaşanan sancıların və spazmların yüngülləşdirilməsi üçün qəbul edilə bilər.

Kök və zəncəfillə qarışdırılmış 1 stəkan kərəviz suyu öskürək, gözlərin yaşlanması, asqırma kimi allergiyanın əlamətlərini yüngülləşdirə bilər.

Limon

Limon ən yaxşı təmizləyicidir. Limon qaraciyərdə və bağırsaqlarda çürümə proseslərini ləngidir. Limonun dadının turş olmasına baxmayaraq mədə turşuması, yəni qıcqırması zamanı limon şirəsini adi suya qarışdırıb içəndə turşunu neytrallaşdırır, yəni qıcqırmanı və turşuluğu aradan qaldırır. Su ilə qarışmış limon şirəsi həm də xaricə istifadə olunur, məsələn ağız, boğaz yaraları zamanı qarqara olunur, burun qanaxmasının qarşısını almaq olur, göbələk xəstəliyində, xalları və çilləri hər gün masaj etməklə götürmək olur.

Baş ağrısından əziyyət çəkən vaxt da limondan istifadə etmək olar. Belə ki, limon suyu ilə gicgahları masaj etmək olar. Eləcə də, bir neçə dəqiqəlik limon dilimlərindən alına qoymaq da faydalıdır.

Bəzi adamlarda dırnaqlar kövrəkləşir, tez sınır və kələ-kötür olur, bu zaman dırnaqları gündə 2 dəfə yarım saat (30 dəqiqə) limon şirəsinin içində saxlamaq lazımdır.

Limon şirəsi əlavə olunmuş su ilə saçları yaxalamaq onlara parıltı və həcm verəcək.

Limon üzdəki qırışları hamarlaşdıraraq dəriyə cavanlaşma effekti verir. Bunun üçün bir sıra maskalar tətbiq edilir. Bu meyvə sadəcə üz üçün deyil, eyni zamanda ayaqlar üçün də faydalıdır.

Limon şirəsi əlavə olunmuş iliq su vannası ayaqlardan yorğunluğu götürməyə kömək edir.

Olduqca faydalı meyvə hesab edilən limonun əks təsiridə var. Əgər sizin adi allergiya və yaxud məhz sitrus meyvələrinə, C vitamininə qarşı allergiyanız varsa, o zaman onu nə yeyə, nə də şirəsindən içə bilərsiniz. Mədə və bağırsaq xorası, qastrit zamanıda limon haqqında unutmaq məsləhətdir. Məsələ ondadır ki, bu sitrus mədə şirəsinin ifraz fəaliyyətini sürətləndirir, o da öz növbəsində qıcqırmalar, spazma və ağrılara səbəb olur. Həddindən artıq turş sitrusun qəbulu diş emalına zərər gətirər.