"Onlar şərəfsiz, tərbiyəsiz insanlardır" — Tahir İmanov
Bu barədə sosial şəbəkələrdə məlumat yayılıb. Əməkdar artistin oğurlanan profili vasitəsi ilə dostluqlar göndərilir, məlumatlar paylaşılır. Ölkə.Az xəbər verir ki, hadisəylə bağlı Tahir İmanov açıqlama verib. O bildirib ki, onun heç bir zaman Feysbuk profili olmayıb, adıçəkilən profil saxtadır: "Mənim adımdan nalayiq sözlər yazılıb. Onlar şərəfsiz, simasız, tərbiyəsiz insanlardır". Əməkdar artist bununla bağlı məhkəməyə müraciət etməyəcəyini də deyib: "Onlar ən böyük məhkəməyə layiqdir, bu da Allahın cəzasıdır. Dəyərli vaxtımı bu cür olaylara sərf etmək istəmirəm". Xatırladaq ki, ötən gün Tahir İmanovun toy mərasimi keçirilib. Məlumata görə, onun ailə qurduğu xanım tanınmış model Nigar Əliyevadır. (musavat)
Ötən gün "JW Marriott Absheron" otelində toyu olan əməkdar artist Tahir İmanovun adından saxta facebook profili açılıb.
