Arif Hacılıdan Rauf Arifoğlunun istefasına REAKSİYA: “Onunla müzakirəmiz olacaq”
“Yeni Müsavat” qəzetinin baş redaktoru Rauf Arifoğlu Müsavat Partiyasından istefa verəcəyini açıqlayıb.
Məsələ ilə bağlı Müsavat Partiyasının başqanı Arif Hacılı Modern.az saytına danışıb.
O qeyd edib ki, rəhbərlik etdiyi partiyanın hər bir üzvünün müstəqil qərarına hörmətlə yanaşır.
“Rauf Arifoğlu özü də istefasının səbəbləri barədə ətraflı açıqlama verib. Əlavə bir şərh vermək istəmirəm. Biz hər bir Müsavat Partiyası üzvlərinin müstəqil qərarlarına hörmətlə yanaşırıq”,-deyə o bildirib.
Partiya rəhbəri deyib ki, Rauf Arifoğlu ilə istefa məsələsini müzakirə edəcək. Arif Hacılı onu da vurğulayıb ki, gələcəkdə partiya sıralarını genişləndirmək üçün mühüm addımlar atılacaq.
