Mübarək RAMAZAN ayı başlayır,

 Şaban ayı sona çatır və 11 ayın sultanı, Mübarək Ramazan ayı başlayır.

AzerTaym.az İslam.az-a istinadən verdiyi xəbərə görə, bu il Ramazan ayı bəzi ölkələrdə Miladi təqvimi ilə iyunun 6-da, bəzilərində isə, o cümlədən də Azərbaycanda, iyunun 7-də başlayır. Ramazanın ölkəmizə məhz iyunun 7-də qədəm qoymasına dair Qafqaz Müsəlmanları İdarəsinin müvafiq fətvası verilib. Eyni zamanda Azərbaycanın yerləşdiyi regionda Ayın görünməsi prinsipi də bu Mübarək ayın böyük ehtimalla məhz iyunun 7-də başlayacağını təsdiqləyir.

İslam.az Ramazan ayına dair meydana gələcək mümkün suallara cavabları, həmçinin orucun özəllikləri və digər məsələlərə aydınlıq gətirən məqalələri bir rubrikada cəmləyərək oxuculara təqdim edir. Həmçinin Ramazan ayında tutulacaq oruc təqvimi ilə də izləyicilərimiz saytımızın ana səhifəsində tanış ola bilərlər.

İslam.az kollektivi bütün İslam aləmini Allahın rəhmət və bərəkət ayı – Ramazının başlanması münasibəti ilə təbrik edir. Həm iyunun 6-dan, həm də iyunun 7-dən Ramazan orucuna başlayan müsəlmanlara “Allah qəbul eləsin” deyir, bu ayın fəzilətindən maksimal dərəcədə yararlanmalarını diləyirik!

Ramazan ayınız mübarək olsun!






Fikirlər