Fransa prezidenti Emmanuel Makronun özündən 24 yaş böyük olan xanımı Bricit Makron sevdiyi geyim markalarının adlarını açıqlayıb.

Publika.az xarici mətbuata istinadən xəbər verir ki, birinci ledi bu yaxınlarda verdiyi müsahibədə dəb barədə danışıb. O, açıqlamasında bildirib ki, “Chanel”, “Louis Vuitton”, “Alexandre Vauthier”, “Balmain” kimi moda evləri onun sevdiyi markalardır. Birinci ledi həmçinin onu da qeyd edib ki, “Azzedine Alaa” moda evini də bəyənir, amma əlavə edib ki, dizayner çox qısa ətəklər və paltarlar buraxmağa başlayıb.

Emmanuel Makronun xanımı fransız dəbi ilə maraqlandığını deyib, lakin onun üslubuna həddən çox diqqət yetirilməsini sevmədiyini vurğulayıb.

Melaniya Trampla Fransanın birinci xanımının üslubunu müqayisə etsək, onda mütərəqqi tərəf ikinci olacaq. Belə ki, ABŞ-ın birinci xanımı M.Tramp amerikalı dizaynerlərin işlərini bəyənmir. O, qəbullarda adətən İtaliyanın “Dolce & Gabbana”, həmçinin “Dior” kostyumlarında görünür.