İsrail Müdafiə Qüvvələri (IDF) Livandakı "Hizbullah" hərəkatının raket anbarları və hərbi obyektlərinə zərbələr endirib.

Musavat.com xarici KİV-ə istinadən xəbər verir ki, bu barədə hərbçilər teleqramda bildirib.

"Livandan İsrail ərazisinin atəşə tutulmasına cavab olaraq qırıcılar son bir saat ərzində "Hizbullah" hədəflərini vurur", - məlumatda deyilir.

Qeyd olunub ki, terrorçuların infrastruktur obyektləri, raket anbarları, eləcə də hərbi nəqliyyat obyektləri məhv edilib.