“Həmin açarı Mənsum İbrahimova vermişəm”
"Muğamın açarını vermişəm Mənsum İbrahimova. Demişəm ki, davam et. O da davam etdirir". Axşam.az xəbər verir ki, bu sözləri Xalq artisti Arif Babayev "Təsir dairəsi" proqramında deyib. Xalq artisti Mənsum İbrahimovdan danışan xanəndə "Məcnunu da ona vermişəm. Muğamı qoruyanlardandır" sözlərini əlavə edib. Qeyd edək ki, ötən ilin sentyabrında M.İbrahimov Azərbaycan Milli Konservatoriyasının Muğam kafedrasının müdiri vəzifəsinə təyin olunub. Həmin vəsifəni Arif Babayev icra edirdi. 
