İntihar edən məktəbli Elina Hacıyevanın xalası qızı “Facebook” hesabında onun intiharı ilə bağlı status paylaşıb.

“Minval.info” xəbər verir ki, o, statusunda bu fikirləri yazıb:

“Mən prokurorluğa ifadə verdim. Və indi bu haqda rahat yaza bilərəm. Bu oğlan bir ildir ki, Elinanı təhqir edir, döyür və alçaldırdı. Hətta bir dəfə mən onun cavabını verdim. O, əsl cinayətkardır və mütləq həbsxanada olmalıdır.

162 nömrəli məktəbin Azərbaycan bölməsinin 11-ci sinif şagirdi Hüseyn Namazov onunla ünsiyyət yaratmadığı üçün Elinanı döyüb. Direktor müavini Lalə Arif qızı dəfələrlə direktor Sevinc Abbasovaya bununla bağlı şikayət ərizəsi yazıb. Elinanın anası bunlardan xəbərsiz olub. Çünki Elina xahiş etmişdi ki, anası bu barədə bilməsin. Ona görə də ananı günahlandırmaq lazım deyil.”

Əldə etdiyimiz məlumata görə, H.Namazov ölkədən getməyə hazırlaşır. O, bütün sosial şəbəkə hesablarını qapadıb.