Bir həftə əvvəl prezident gəldi, bu gün su basdı...
Bu fotolar bu gün - avqustun 22-də Nəsimi rayonu ərazisində, konkret desək, Cavadxan və Hüseynbala Əliyev küçələrində çəkilib.
Virtualaz.org saytının fotoreportyorunun lentə aldığı kadrlardan da göründüyü kimi, həmin küçələr su altında qalıb və keçilməz olub. Səbəb su və kanalizasiya borularının partlamasıdır.
Qeyd edək ki, prezidenti İlham Əliyev avqustun 14-də Bakının Nəsimi rayonunun ərazisindəki Pişəvəri, Cavadxan, Hüseyn Seyidzadə küçələrində həyata keçirilən abadlıq və yenidənqurma işlərindən sonrakı vəziyyətlə tanış olmuşdu.
Cavadxan və Hüseynbala Əliyev küçələrinin bu gün, yəni prezidentin həmin əraziyə baş çəkməsindən bir həftə sonra su altında qalmasının səbəbi də dolayısı ilə budur. Belə ki, müvafiq qurumların başçıları prezidentin gəlişinə qədər su borularını tələm-tələsik dəyişiblər, eyni tələskənliklə də asfaltlama işləri aparıblar. Bu da nəticəsi...
