Mülayim hava şəraiti davam edəcək
Bu gün Bakı və Abşeron yarımadasında hava dəyişkən buludlu, əsasən yağmursuz keçəcək.
Bu barədə Azertyam.az-a məlumat Ekologiya və Təbii Sərvətlər Nazirliyinin Milli Hidrometeorologiya Departamentindən verilib. Məlumata görə, axşam bəzi yerlərdə zəif duman olacaq.
Gündüz mülayim cənub-qərb küləyi əsəcək. Havanın temperaturu 7-10 dərəcə təşkil edəcək.
Azərbaycanın rayonlarında hava əsasən yağmursuz keçəcək, səhər bəzi yerlərdə duman olacaq. Qərb küləyi əsəcək, arabir güclənəcək.
Havanın temperaturu 6-10 dərəcə, dağlarda 1-6 dərəcə isti olacaq.
