Bu gün Mətbuat Şurası İdarə Heyətinin yeni tərkibdə iclası keçirilib.

“AzerTaym.az" qafqazinfo-ya istinadən xəbər verir ki, iclasda Mətbuat Şurasının sədr müavinləri məlum olub.

 Belə ki, Səadət Məmmədova və Vüqar Zifəroğlu Mətbuat Şurasının sədri Rəşad Məcidin müavini seçiliblər.

Bundan əlavə, Rey Kərimoğlu Nəzarət-Təftiş Komissiyasının (NTK) sədri, Əvəz Rüstəmov isə icraçı katib seçilib.

İclasda eyni zamanda Mətbuat Şurasının komissiyalarının da tərkibi müəyyən edilib.

Qeyd edək ki, sentyabrın 24-ü Rəşad Məcid Azərbaycan Mətbuat Şurasının yeni sədri seçilib.

Xatırladaq ki, o bu postda Şuraya 19 il rəhbərlik etmiş Əflatun Amaşovu əvəz edib.