Keçibuynuzunun sağlamlığa faydaları saymaqla bitməz.

Ağrını kəsir, allergiyaya, astmaya, bronxitə, xərçəngə qarşı qoruyur, bakteriyaları məhv edir, qaraciyəri toksindən təmizləyir, immunitet sistemini gücləndirir, antiseptik təsiri var, ishal və qəbizliyə qarşı faydalıdır, bronxları genişləndirir.

Bundan başqa qida maddələrində E410 ilə göstərilən həcm artırıcı qida maddəsi kimi də istifadə olunur.

Keçibuynuzu kişilərdə cinsi iqtidarsızlıq və ereksiya probleminə də yaxşı təsir edir. Bunu Türkiyənin məşhur professoru, kimyaçı İbrahim Saraçoğlu deyib. O, keçibuynuzundan hazırlanmış qarışımın bu problemi aradan qaldırmağa faydalı olduğunu bildirib. Aile.lent.az həkimin fikirləri ilə sizi də tanış edir.

Mütəxəssisin sözlərinə görə, cinsi gücü artıran dərmanların qısa müddətdə öz təsirini itirir. Keçibuynuzu qarışımının ən əhəmiyyətli faydası isə odur ki, müalicəvi təsiri uzun müddətlidir: “Hər şeyin təbii olanını yeməyin vacib olduğu müasir dövrdə cinsi gücü artıran dərmanların yerinə keçibuynuzu qarışımı istifadə etmək bədənin sağlamlığı baxımından müsbətdir. Hər hansı yan təsiri olmayan keçibuynuzu iqtidarsızlıq yaşayan kişilər üçün əhəmiyyətli bir köməkçi halına gəlib. Həddi aşmamaq şərtilə cinsi iqtidarsızlıq yaşayan kişilər ondan istifadə edə bilərlər. Ancaq şəkər xəstəliyi kimi probleminiz varsa, ilk növbədə həkimə müraciət edin. Çünki keçibuynuzunda şəkər miqdarı çoxdur”.

İ. Saraçoğlu qeyd edib ki, bu bitki mənşəli qarışımı tətbiq edən kişilər səbrli olmalıdırlar. Çünki keçibuynuzunda iqtidarsızlığa yarayan faktor maddələr müəyyən bir zaman bədəndə saxlanmalıdır. Bu faktor maddələr müəyyən bir səviyyəyə çatdıqdan sonra hüceyrə içindəki mexanizmləri xəbərdar edərək, öz təsirini göstərməyə başlayır  .Qarışımın hazırlanma qaydası:

Yarım litr suyu qaynadın. Əlinizlə kiçik parçalara ayırdığınız keçibuynuzunu qaynamış suyun içərisinə atın. Ağzı bağlı şəkildə vam odda 3-4 dəqiqə qaynadın. Qaynatdıqdan sonra ocaqdan götürün və 20 dəqiqə saxlayın. Sonra süzün. Bir həftə boyu hər gün için. İkinci həftədən sonra 3 ay ərzində hər gecə yatmazdan əvvəl 1 stəkan için. Daha sonrakı aylarda ehtiyac olduqda müəyyən zamanlarda yenidən tətbiq edə bilərsiniz.