Livanın paytaxtı Beyrutda ötən gün baş verən partlayışda zərərçəkənlər arasında Niderlandın bu ölkədəki səfiri və həyat yoldaşı da var.

Publika.az xəbər verir ki, bunu mediaya açıqlamasında Ukraynanın Livandakı səfiri İqor Ostaş deyib.

Niderland Xarici İşlər Nazirliyinin məlumatına görə, səfirin həyat yoldaşı hazırda xəstəxanalardan birində müalicə altındadır. Açıqlamada diplomatik nümayəndəliyin daha dörd əməkdaşının da yaralandığı bildirilib.

Beynəlxalq Qırmızı Xaç Komitəsinin məlumatına görə, hadisə nəticəsində 100-ə yaxın insan ölüb, 4 minə yaxını müxtəlif dərəcəli xəsarətlər alıb. Onlardan 60 nəfərinin vəziyyəti ağırdır. Zərərçəkənlər arasında ölkənin Baş naziri Həsən Diabın həyat yoldaşı və qızı da var.