Qərbdə Ukraynanın Rusiya ərazisinə uzaqmənzilli silahlarla hücumuna icazə vermək qərarı artıq verilib, indi sadəcə olaraq media vasitəsilə rəsmiləşdirilir.

Musavat.com xəbər verir ki, bunu Rusiya prezidentinin mətbuat katibi Dmitri Peskov deyib.

Onun sözlərinə görə, Ukraynaya uzaqmənzilli raketlərin tədarükü halında, Moskvanın cavabı məqsədəuyğun olacaq.

Qeyd edək ki, ABŞ dövlət katibi Entoni Blinken Böyük Britaniyanın xarici işlər naziri Devid Lemmi ilə birlikdə Kiyevdə səfərdədir. KİV-in məlumatına görə, Blinken Rusiya daxilindəki hədəflərə Amerika silahları ilə zərbələr endirmək icazəsini elan edə bilər.