Ağcabədi kimlərə və necə satılıb? - "5 DİPLOMAT PUL" qalmaqalı
"İcra başçısı dedi ki, mənə 5 diplomat pul veriblər. Maraqlıdır, Ağcabədi kimlərə və necə satılıb?" 
23-11-202422-11-202421-11-2024
Ağcabədi rayon Avşar kənd sakini Kərimov Elqayıt Heydər oğlu müxtəlif dövlət qurumlarına ilginc faktların yer aldığı şikayət məktubu göndərib.
AzerTaym.az xəbər verir ki, cumhuriyyet.az-a göndərilən həmin məktubda deyilir:
"Ağcabədi rayon İcra Hakimiyyətinin başçısı Şahin Məmmədov 13 aprel 2015-ci il tarixində 120 sahibkarın qarşısında bildirib: "2008-ci ildə mənə 5 diplomat pul vermişlər ki, Haramı və Ergi torpaqlarını satım, lakin mən onu etmədim".
Belə görünür ki, indi daha çox pul veriblər, ona görə Ş.Məmmədov 12 min hektar torpağı satmaq istəyir. Xahiş edirəm, araşdırılsın görək 5 diplomat pulu verən kimdir? Şahin Məmmədov Kür qırağında Ağcabədi rayonunun Sarcalı kəndinə məxsus olan 3 min hektar qış otlaq sahəsinin təyinatı dəyişdirərək camaatdan alıb hansısa şirkətə satıb. Ş.Məmmədov belə güman edir ki, o bütün Ağcabədini sata bilər. Ağcabədi rayonun Kəbirli kəndindən də 2800 hektar torpaq satıb”.
Məktubda həmçinin bildirilir ki, Şahin Məmmədov Azərbaycan Respublikasının Prezidenti abadlıq üçün ayırdığı pulları mənimsəyib:
"Abadlıq işlərini sahibkarlara, mağaza sahiblərinə, idarə və təşkilatlara, məktəblərə, xəstəxanalara və s. gördürərək Prezident tərəfindən milyonlarla ayrılmış pulları mənimsəmişdir.
2013-cü ildə Ağcabədi rayon İcra Hakimiyyətinin fondundan saxta tender yolu ilə külli miqdarda pullar mənimsənilmiş və ayrı-ayrı kənd icra nümayəndələrinə saxta sənədlər tərtib etdirmişdir.
Bununla bağlı konkret rəqəmblər var. Həmin rəqəmləri də təqdim edirik:
1. Pərioğullar kənd icra nümayəndəliyinə 13200 manat
2. Salmanbəyli kənd icra nümayəndəliyinə 9400 manat
3. Şahsevən kənd icra nümayəndəliyinə 4200 manat
4. Yeni Qaradolaq kənd icra nümayəndəliyinə 13200 manat
5. Hacıbədəlli kənd icra nümayəndəliyinə 29200 manat
6. Hüsülü kənd icra nümayəndəliyinə 15800 manat
7. Qaradolaq kənd icra nümayəndəliyinə 13200 manat
8. Hacılar kənd icra nümayəndəliyinə 9400 manat
9. Minəxorlu kənd icra nümayəndəliyinə 9400 manat
10. Ağcabədi şəhər icra nümayəndəliyinə 85500 manat
11. Şərəfxanlı kənd icra nümayəndəliyinə 6800 manat
12. Kəbirli kənd icra nümayəndəliyinə 8400 manat
13. Boyad kənd icra nümayəndəliyinə 22500 manat
14. Ağcabədi rayon təhsil şöbəsi 25299 manat
15. Ağcabədi rayon Mədəniyyət şöbəsi 102624 manat
16. Ağcabədi rayon Təhsil şöbəsi Cavid Kİ MMC 113890 manat
17. Ağcabədi rayon Təhsil şöbəsi Əzim 3M MMC 112910 manat
18. Ağcabədi rayon Mərkəzi xəstəxanası Tünzalə V MMC 86900 manat
19. Ağcabədi rayon Mədəniyyət və Turizm şöbəsi Ülkər H MMC 47950 manat
20. Rasmik MMC – 24812 manat
21. Ağcabədi şəhər icra nümayəndəliyinə 650462 manat”.
Şikayətçi bildirir ki, göstərilən pullar iş görülmədən saxta sənədlərlə silinib: "Biz sahibkarlar haqqımızı və hüququmuzu müdafiə etmək məqsədilə sizə və Respublika rəhbərliyinə müraciət etdiyimiz üçün Şahin Məmmədov tərəfindən təqib olunuruq, bizə qarşı şantajlar olunur. İndi Ş.Məmmədov heç bir əsas olmadan bir qrup sahibkarı məhkəməyə verib və deyir ki, mənim imkanlarım sizinkindən çoxdur, məhkəməyə təsir edərək sizi torpaqlarınızdan çıxardacam və sizə məxsus olan torpaqları satacam”.
Sahibkar üzünü baş prokuror Zakir Qaralovaa tutaraq yazır: "Cənab Qaralov! Sizə yazdığımız ərizələri sizə çatdırmırlar. Bütün ərizələri ayrı-ayrı təşkilatlara ya da Ağcabədi rayon İcra Hakimiyyətinə göndərirlər. Şahin Məmmədov sizin işçilər tərəfindən müdafiə edilir. Korrupsiya faktı olduğu halda, məktublar Azərbaycan Respublikası Əmlak Məsələləri Dövlət Komitəsinə, Ağcabədi rayon Prokurorluğuna və Ağcabədi rayon İcra Hakimiyyətinə göndərilmişdir. Bu hansı qanunda var ki, Şahin Məmmədovdan şikayət edilsin, ərizə və şikayət Ş.Məmmədovun özünə göndərilsin”.
Kifayət qədər ciddi ittihamların yer aldığı həmin məktubda bildirilir: "Şahin Məmmədov vəzifəsindən istifadə edərək Ağcabədidə, Bərdədə və Gəncədə pay torpaqlarında böyük evlər tikdirib. Onun eyni zamanda Daşkəsəndə Xoşbulaq yaylağında bir villası, Bakı şəhərində isə sayı məlum olmayan villa, ev və obyektləri vardır. O, Xarici ölkələrdə Batumidə, Dubayda, Almaniyada villalar alıb. Bütün bunlar üçün külli miqdarda vəsait xərclənib ki, Şahin Məmmədovun halal qazancı buna yetməz. Elə bunun özündə korrupsiya faktları görünür.
Şahin Məmmədov Ağcabədi şəhərində yol kənarına arx çəkdirərək bildirir ki, guya kanalizasiya çəkdirib. Həmin arxlara uşaqlar düşür zədələnir, maşınlar düşür əzilir. Həmin dırnaqarası kanalizasiya da ayrı-ayrı idarə və təşkilatlara çəkdirilir. Dövlətdən ayrılan külli miqdarda vəsait isə Şahin Məmmədovun şəxsi vəsaitinə çevrilir. Şahin Məmmədov 10 ildə heç bir iş görməmiş və bütün İdarə və Müəssisələrin hesabında olan vəsaiti mənimsəyib".
Sahibkar ölkə başçısına müraciət edərək rayona ayrılan vəsaitlərin xərclənməsi ilə bağlı araşdırmaların aparılmasını xahiş edir:"Xahiş edirəm, Ağcabədi rayonuna tikinti və abadlıq işləri üçün cənab prezidentimiz tərəfindən ayrılan vəsaitin hara və necə xərclənməsi yerində yoxlanılsın. Həmin pulların Şahin Məmmədov tərəfindən mənimsənildiyi o zaman məlum olacaq.
Ağcabədi rayonunu içməli su ilə təmin etmək üçün Qarqar çayı sahilindən 3 ədəd artezian quyusundan 16 km su kəməri çəkilib. Şahin Məmmədov artezian quyularını yaxında çobanlara satmış və 16 km çuqun turba çıxartdıraraq 1 milyon manata satmışdır. Qaradolaq, Mehrablı, Yeni Qaradolaq və Aran kəndlərinə içməli su üçün külli miqdarda vəsait ayrılmış, isə görülmədi. Xahiş edirəm ayrılmış pulların hara xərcləndiyi araşdırılsın. Hüsülü Qiyamaddınlı yolun təmirinə 5 milyon manat pul ayrılmış, həmin işi Ağcabədi rayon yol tikinti idarəsi tərəfindən görüldüyü halda həmin yolun tikintisini Şahin Məmmədova məxsus olan "Fərid MMC” tərəfindən sənədləşdirərək pullar yeyilib. Xahiş edirəm ki, yoxlanılsın, görək körpüyə ayrılmış pullar kim tərəfindən mənimsənilib".
Vətəndaşın sözlərinə görə, 2014-cü ildə Ağcabədi rayonunda Şahin Məmmədovun rəhbərliyi altında tikilən 4 məktəbin heç birində sığınacaq tikilməmiş, pullar mənimsənilmiş, tikilən binalar isə bərbad haldadır: "Ağcabədi rayonunun Hüsülü, Muğanlı, Təzəkənd, Minaxorlu, Arasbar, Qiyamadınlı, Mirzaxverdili, Kürdlər, Kəhrizli və Şərəfxanlı kəndlərinə 2014-cü ildə yolların əsaslə təmirinə 5 milyon manat pul ayrılıb. Həmin kəndlərə yol çəkilmiş və 2014-cü ildə yollar istifadəyə verilmiş, lakin Qarqar çayının üstündən körpü salınmamışdır. Bildirmişdilər ki, verilən pullar qurtardı. Həmin pullar Şahin Məmmədov tərəfindən mənimsənilmişdir. Görülən işlər Dövlətə məxsus olan Asvalt zavodu işləri gördüyü halda Ağcabədi rayon İcra Hakimiyyətinin başçısı Şahin Məmmədova məxsus "Fərid MMC” şirkəti tərəfindən işlər görülməsi sənədləşdirilmiş və Prezident tərəfindən ayrılmış pullar mənimsənilmişdir. Yoxlayın görək həmin pullar "Fərid MMC” şirkətində qalıbmı. Şahin Məmmədov yenidən həmin yolların çəkilməsi üçün 2015-ci ildə 2 milyon 700 min manat pul ayırdmışdır. Xahiş edirəm gəlib yerində yoxlayın görək 2014-cü ildə istifadəyə verilmiş yola pul ayırmaq nə deməkdir, bu da Şahin Məmmədovun yeni kələyidir. Rayonun Avşar, Salmanbəyli, Taynaq, Hacıbədəlli və Şənlik kəndlərinin yolları bərbad haldadır, deyəndəki bizim yolları təmir edin Şahin Məmmədov bildirir ki, vəsait yoxdur. Xahiş edirəm bu faktlar yerində yoxlanılsın və 2 milyon 700 min manat pulun verilməsi dayandırılsın və bu pullar təmir olunmamış yollara verilsin və Şahin Məmmədov haqqında ciddi tədbir görülsün".
O bildirir ki, Ağcabədi rayonunun təhsil və mədəniyyət işçilərinin 2015-ci ilin noyabr və dekabr aylarının əmək haqlarını icra başçısı tərəfindən mənimsənilib: "Maaşların alınması üçün müəllim kollektivi yuxarı təşkilatlara yazandan sonra yanvar ayının axırında əmək haqları verildi. Lakin direktorların əmək haqqıları mənimsənildi. 16 yanvar 2016-cı ildə Ağcabədidə qaçqın şəhərciyində Hüsülü və Hindarx kəndlərində keçirilən nümayişə gedərək bildirmişdir ki, Avşarlara mən çox pisliklər etmişəm lakin onlar sizin kimi yolu bağlayıb nümayiş etməyirlər. Şahin Məmmədov istəyir ki, Avşarlar yolu bağlayıb nümayiş etsin. Biz dövlətimizi sevirik qanunu haqqımızı tələb edərək Şahin Məmmədovun korrupsiya faktlarını bizim iştirakımızla yerində yoxlanılmasını xahiş edirik. Maliyyə Nazirliyi , hesaplama palatası və korrupsiyaya qarşı mübarizə idarəsi Şahin Məmmədovu müdafiə edərək bildirirlər ki, iş gedir yoxlayacayıq, lakin 9 aydı heç bir iş görmədən bizi aldadaraq məhkəməyə verməklə susdurmaq istəyirlər".
"25 yanvar 2016-cı il tarixdə mia.az saytında parlamentdən ciddi tapşırıq: İcra başçıları ciddi təftiş olunacaq" başlıqlı yazıda isə Hesablama Palatasının Ağcabədidə büdcə vəsaitlərinin talan edilməsi ilə bağlı açıqladığı hesabatında baş verənlər açıq göstərilmişdir" - deyən sahibkarın sözlərinə görə, icra başçısı bu dəfə saxtakarlığa yol verib: "Ağcabədinin gəliri 8 milyon 375 min olduğu halda, icra başçısı rayona 24 milyon 855 min 832 manat guya vəsait xərclənməsi haqda sənəd təqdim etdirmişdir. Arada qalan təxmini 16 milyon isə büdcədən dotasiya almışdır. Xahiş edirəm, bu pullar hara xərclənibsə, yerində yoxlanılsın. Onda görünəcəkdir ki, Şahin Məmmədov dövlət büdcəsini necə dağıtmışdır. Prezidentin ehtiyat fondundan ayrılmış pullar bu büdcəyə daxil deyildir. Prezidentin ehtiyat fondundan rayona 10 milyondan artıq pul ayrılmışdır. Xahiş edirəm bu pulların hara xərclənməsi bizim iştirakımızla yoxlanılsın”.
Qeyd edək ki, bu iddialarla bağlı İcra Hakimiyyətindən heç bir rəsmi mövqe bildirilməyib. Yazıdakı iddialarla bağlı adıçəkilən şəxslərin də mövqeyini dərc etməyə hazırıq.
Fikirlər
-
Reklam
-
Əsas xəbərlər
