Azərbaycanlı jurnalistə Gürcüstanda vəzifə verildi — VİDEO

Gürcüstanda "Gürcüstan- Azərbaycan Media Mərkəzi" fəaliyyətə başlayıb.

 Bir qrup azərbaycanlı gəncin təsis etdiyi mərkəzin rəhbəri tanınmış jurnalist, "Ölkə.Az" saytında şef redaktor vəzifəsində çalışmış Amil Hacıyevdir.
A.Hacıyevin BakiPost.az-a verdiyi məlumata görə, "Gürcüstan- Azərbaycan Media Mərkəzi” nin əsas məqsədi iki ölkə mediası arasında əməkdaşlıq, fikir, təcrübə mübadiləsi aparmaq, dostluq əlaqələri yaratmaqla hər iki dövlətin həqiqətlərini yaymaqdır. "Son zamanlar müşahidə etdim ki, Gürcüstanda iki dövlətin dostluq münasibətlərinə mane olan qüvvələr var. Bunlarla mübarizə üçün həqiqətləri yaymaq lazımdır. Gürcüstan haqqında, orada yaşayan soydaşlarımızın sosial problemlərini qabartmaq, media vasitəsilə onlara dəstək vermək istəyirik”, –deyə Amil Hacıyev bildirib.
Onun sözlərinə görə, mərkəz həmçinin bir kommersiya təşkilatı kimi də fəaliyyət göstərəcək. Azərbaycandakı istənilən sayt, hətta televiziyalar bura gəlmədən müsahibə və tədbirlərin işıqlandırılması üçün Media Mərkəzə müraciət edə biləcək.
Hazırda Media Mərkəzin nəzdində xəbər portalının hazırlanması üzərində də işlər aparılır.
Gürcüstan vətəndaşı olan Amil Hacıyev hazırda Kvemo Kartli” televiziyasında həftədə 5 gün olmaqla, Azərbaycan dilində efirə gedən xəbərlər proqramının aparıcısıdır.
 
 

 





Bənzər xəbərlər
  • Azərbaycanlıların Gürcüstana
  • Gürcüstanda deputat seçilən azərbaycanlıların -
  • Əflatun Amaşov “TÜRKÜSTAN”
  • ƏFLATUN AMAŞOV Gürcüstan
  • Məni əvəzləyəcək ƏN LAYİQLİ şəxsin

    • Fikirlər