Bakı metrosunda daha bir intihara cəhd qeydə alınıb.

Bu barədə Modern.az-a danışan "Bakı Metropoliteni" Qapalı Səhmdar Cəmiyyətinin (QSC) mətbuat xidmətinin rəhbəri Nəsimi Paşayev bildirib ki, hadisə bu gün səhər “Korğulu” stansiyasında qeydə alınıb:

“Saat 09:25-də gənc oğlan özünü "Həzi-Aslanov"-"İçərişəhər" istiqamətində hərəkət edən qatarın yoluna atıb. Həmin vaxt qatar tunledə olub. Dərhal maşinistə məlumat verilib və o, stansiyaya daxil olmamış qatarın hərəkətini dayandırıb”.

 N.Paşayevin sözlərinə görə, dərhal qatar yolundakı gərginlik dayandırılıb və oğlan oradan çıxarılıb:

"Hazırda qatarlararası interval bərpa olunub".