FHN Rusiya ilə sərhəddə çadırlar qurdu (FOTOLAR)

FHN Rusiya ilə sərhəddə çadırlar qurdu (FOTOLAR)

Azərbaycan Respublikası ərazisində koronavirusun (COVİD-19) yayılma təhlükəsinin qarşısının alınması məqsədilə Azərbaycan Hökumətinin tapşırığına uyğun olaraq, Fövqəladə Hallar Nazirliyi tərəfindən qonşu Rusiya Federasiyası ilə sərhəddə Qusar rayonunun ərazisində yerləşən "Samur” və Xaçmaz rayonunun ərazisində yerləşən "Xanoba” sərhəd-keçid məntəqələrinin yaxınlığında qəbul-çeşidləmə məntəqələri qurulub.
FHN-dən verilən məlumata görə, fasiləsiz rejimdə fəaliyyət göstərən məntəqələrdə hər cür müasir tibbi avadanlıqlarla təchiz edilmiş FHN-in peşəkar tibbi briqadaları fəaliyyət göstərir. Belə ki, sərhəd-keçid məntəqələrində ilkin tibbi müayinədən keçən şəxslər burada təkrar müayinə ediləcək, hər hansı şübhəli əlamət aşkar edilən şəxslərin daha dəqiq diaqnoz qoyulması üçün xüsusi ayrılmış müvafiq yerli xəstəxanaya təxliyyəsi, şübhəli əlamət aşkar olunmamış şəxslərin isə çadırlarda karantin rejimində müvəqqəti qalması təmin ediləcək.
Hər birində 20 çadır olmaqla eyni vaxtda 100 nəfərin qalmasına imkan verən məntəqələrdə normal yaşayış üçün lazım olan hər cür şərait yaradılıb, qidalanma, gigiyenik vasitələrlə təchizat, çadırların isidilməsi və s. ilə bağlı hər hansı problem yoxdur, sanitar-gigiyenik tələblər tam təmin olunub. Zərurət yarandıqda çadırların sayı qısa müddətdə artırıla bilər.
"AzerTaym.az"

  •  





Bənzər xəbərlər
  • ÜST koronavirusa görə Azərbaycana nümayəndə
  • Prezident vəzifəli şəxsləri İranla sərhəddə göndərdi
  • Əhali pulsuz müayinə ediləcək -
  • Nikaha daxil omaq istəyən şəxslərdən
  • Dövlət Sərhəd Xidmətinə yoxlamalar

    • Fikirlər