Məhkəmə prosesi Səfər Mehdiyev üçün arzuolunmaz sonluğa çevrilə bilər

Məhkəmə prosesi Səfər Mehdiyev üçün arzuolunmaz sonluğa çevrilə bilər

Dövlət Gömrük Komitəsinin (DGK) vəzifəli şəxslərinin cinayət işi üzrə məhkəmə istintaqı qurumun keçmiş rəhbəri Səfər Mehdiyev üçün arzuolunmaz prosesə çevrilib. 
Nümunə olaraq "Azərterminalkompleks" Birliyinin Kommersiya şöbəsinin sabiq rəisi, gömrük polkovniki Xosrov Vahabzadənin məhkəməsini göstərmək olar.
Qaynarinfo xatırladır ki, bu günlərdə Xosrov Vahabzadəyə hökm oxunub. 
Onun məhkəməsində diqqətçəkən məqam prosesdə şahid qismində ifadə verən  general-mayor Ehtiram Xəlilovun dedikləridir.
 
Ehtiram Xəlilov "Azərterminalkompleks" Birliyinin direktoru vəzifəsində çalışır. O, hazırda ev dustaqlığındadır. 
General məhkəmədə verdiyi ifadədə bildirib ki, göstərişləri Səfər Mehdiyevdən alıb. "Mənə də Dövlət Gömrük Komitəsinin rəhbərliyi (Həmin vaxt DGK-nın sədri general-polkovnik Səfər Mehdiyev olub-red.) göstəriş verdi. Mən də rəhbərliyin göstərişini təqsirləndirilən şəxsə çatdıraraq həmin kremlərin kimə satılmalı olduğunu bildirdim. Bundan sonra bütün məsələlərlə təqsirləndirilən şəxs özü məşğul olub", - deyə o bildirib. 
Ehtiram Xəlilov bu ifadəsi ilə faktiki olaraq baş verənlərə görə Səfər Mehdiyevin də məsuliyyət daşıdığına eyham edib. 
Bu tip ifadələr qarşıda Səfər Mehdiyevin mühakimə oluna biləcəyi barədə ehtimalları artırır. Yeri gəlmişkən, DGK-nın vəzifəli şəxslərinin həbs olunduğu ilk günlərdə Səfər Mehdiyevin də oxşar aqibətlə üzləşəcəyi barədə iddialar səsləndirilirdi. Məhkəmə prosesində onun əleyhinə ifadələr verilməsi bu iddiaların reallığa çevrilə biləcəyini düşünməyə əsas verir.





Bənzər xəbərlər
  • Səfər Mehdiyev üçün yolun sonu gəldi:
  • Səfər Mehdiyevin sürdüyü maşının nömrəsi bu şirkətə
  • Səfər Mehdiyev yol polisini təhqir etdi: "Sən nə həyasız adamsan..."
  • Səfər Mehdiyevə ŞOK ZƏRBƏ TƏDARÜKÜ...
  • Gömrük Komitəsinin ləğvi gündəmdə

    • Fikirlər