Baş məşqçinin sevincdən ürəyi getdi - Bakı İslam OYUNLARINDA
Bakıda keçirilən IV İslam Həmrəyliyi Oyunlarında xoşagəlməz olay yaşanıb.
AzerTaym.az-ın Apasport.az-a istinadən məlumatına görə, futbol yarışlarında iştirak edən Kamerun U-23 millisinin baş məşqçisi Riçard Tova ölümdən dönüb.
Bu barədə Kamerun mətbuatına milli komandanın həkimi Tamo Moktama açıqlama verib.
O, bildirib ki, baş məşqçi Mərakeşlə oyunun 31-ci dəqiqəsində komandası hesabı açdıqdan sonra sevincdən huşunu itirib.
Onu əvvəlcə stadionun tibb məntəqəsinə, daha sonra isə təcili xəstəxanaya aparıblar.
Kardiologiya şöbəsinə yerləşdirilən və müayinə olunan afrikalı çalışdırıcının hazırda vəziyyəti yaxşıdır.
Qeyd edək ki, Kamerun – Mərakeş matçı 1:1 hesablı bərabərliklə başa çatıb.
