Polis Bakıdakı bütün çay evlərini nəzarətə götürdü
Bakıda polis çayxanaları araşdırmağa başlayıb.
Daxili İşlər Nazirliyinin (DİN) İnsan Alverinə Qarşı Mübarizə Baş İdarəsi əxlaqsızlıq yuvası kimi fəaliyyət göstərən çay evlərində əməliyyat tədbirləri həyata keçirir.
Paytaxtda son dövrlər əxlaqsızlıq yuvalarının qapadılmasına görə, onların çayxana adı altında fəaliyyət göstərməsi halları artıb. Bakı polisi də əməliyyat tədbirlərini buna görə genişləndirib.
Bildirilir ki, şəhərin bir sıra yerlərində çay evləri gizli şəkildə əxlaqsızlıq yuvası rolunu oynayır. Bu çay evlərinə daxil olanda zahirən adi bir çayxana təəssüratı yaratsa da, orada çalışan xidmətçi qızlar əxlaqsız xidmət təklif edirlər. Çayxana sahibləri gizli şəkildə bu obyektləri əxlaqsızlıq məkanlarına çevirirlər.
Xəbərdə deyilir ki, əməliyyat tədbirləri genişləndiriləcək və əxlaqsız yuvası sahiblərinin çayxana oyunu sıradan çıxarılacaq.
