Aşıqlar Birliyinin sədri Məhərrəm Qasımlının bir neçə gün öncə "Şərq" qəzetinə verdiyi açıqlamalar hələ də müzakirə olunmaqdadır

"Azər Xanlaroğlu nə Alim Qasımov, nə də Ədalət Nəsibovdur ki, ona görə müraciət ünvanlayaq” sözləri isə birlik sədrinə qarşı sözün əsl mənasında nifrət yarada bilib.

Qəzetin əməkdaşı Tahirə Məmmədqızı Ölkə.Az-a Məhərrəm Qasımlı ilə olan söhbətinin səs yazısını təqdim edib. Səs yazısından da açıq aşkar görünür ki, Qasımlı nəinki ölkə rəhbərliyinə müraciət etmək niyyətindədir, hətta digər qurumların sədrlərini də ittiham edir:

"Anar hansı yazıçıya görə, müraciət edib, müalicə etdirib?"

Xatırladaq ki, Qasımlı sonradan verdiyi açıqlamada belə fikirlər səsləndirmədiyini dilə gətirib.

Qeyd edək ki, tanınmış aşıq Azər Xanlaroğlu hepatit xəstəliyindən əziyyət çəkir, müalicəsi üçün 100 min manat lazımdır.