“Qərb və Rusiya Dağlıq Qarabağ münaqişəsinin alovlanmasına qarşı birgə addım atırlar. Amma hər birinin öz siyasi maraqları var. Hər ikisi strateji perspektivdə rəqabət aparır”.

Publika.az xəbər verir ki, bu barədə “Stratfor” mərkəzinin Avrasiya üzrə eksperti Yevgeni Çausovski deyib.

Onun sözlərinə görə, Rusiya Minsk qrupu formatında aktiv və nüfuzlu vasitəçidir: “Moskva İrəvan və Bakı ilə diplomatik səylərini artırır. ABŞ isə Qarabağ münaqişəsində diplomatik səylərini artırmağa davam edəcək”.

Y. Çausovski qeyd edib ki, Qarabağda yeni gərginliyin olması ehtimalı azdır.

“Bundan sonra danışıqlar prosesi davam edəcək. Amma yaxın müddətdə hansısa həllin olacağı gözlənilən deyil”, - deyə o bildirib.