Prezident Rəcəb Tayyip Ərdoğan "Zeytun budağı" əməliyyatından əvvəl Türkiyənin planlaşdırdığı “Zeytunluq hərəkatı” ilə bağlı ABŞ-ın keçmiş lideri Barak Obamanın sözünü tutmadığını deyib.

“AzerTaym.az” xəbər verir ki, Ərdoğan Suriyanın Manbic şəhərinin terrorçulardan təmizlənməsini nəzərdə tutan həmin əməliyyatla bağlı “Obama bizi aldatdı” sözlərini işlədib:

“O hərəkat Manbicin terrorçulardan təmizlənməsi hərəkatı olacaqdı. Biz sözümüzü tutduq, onlar isə tutmadılar. Manbici əsl sahiblərinə qaytaracaqlarını dedilər. Orada əhalinin 95 faizi ərəbdir, orada kürd yoxdur. Lakin onların planı terror dövləti qurmaq idi. Adını kürd dövləti qoyurlar. Halbuki burada kürd yoxdur”.