Qərar siyasi birliyinin növbədənkənar qurultayında qəbul edilib.

Türkiyə prezidenti Rəcəb Tayyib Ərdoğan bazar günü, mayın 22-də hakim Ədalət və İnkişaf Partiyasının (AKP) yeni seçilmiş lideri Binali Yıldırıma respublikanın yeni hökumətini formalaşdırmağı tapşırıb.

Bu barədə NTV ölkə prezidentinin mətbuat xidmətinə istinadən xəbər yayıb.

Qeyd edək ki, bu gün Türkiyənin nazirlər kabinetinin rəhbəri Əhməd Davudoğlu istefa xahişi ilə prezidentə müraciət edib. Ərdoğan sənədi təqdir edib və yeni kabinet formalaşanadək Davudoğluna hökumət rəhbərinin vəzifəsini icra etməyi tapşırıb.

Gözlənildiyi kimi, Türkiyənin yeni Baş naziri vəzifəsinə bu gün AKP-nin rəhbəri təyin olunmuş Binali Yıldırım seçiləcək. Qərar siyasi birliyin növbədənkənar qurultayında qəbul edilib. (oxu.az)

AzerTaym.az