Zəvvarlar ziyarət xərcini hissə-hissə ödəyə biləcəklər. Həcc ziyarəti sentyabrın 2-i başlayacaq. Sənəd qəbulu isə bu ayın sonuna kimi başa çatacaq. Qafqaz Müsəlmanları İdarəsindən verilən məlumata görə, bu il ilk dəfə olaraq ziyarət xərcini hissə-hissə ödəmək mümkündür. Bu kredit yox, nəzərdə tutulan məbləğin hissələrə bölünərək ödənilməsidir. Yəni heç bir əlavə faizdən söhbət getmir. Amma səfərə çıxanadək bütün məbləğ tam ödənilməlidir.

Lakin, kredit götürərək Həcc ziyarətinə gedənlərə də rast gəlinir. İlahiyyatçılar bildirir ki,bu cür ödəniş üsulu ilə ziyarətə getmək məqbul deyil. Ümumiyyətlə isə Həcc ziyarətinə gedən insanların maddi vəziyyəti normal olmalıdır. Maddi sıxıntısı olan şəxslər üçün ziyarət vacib sayılmır.