Fövqəladə Hallar Nazirliyinin (FHN) generalı Bakıda 25 milyon manatlıq otelin sahibidir.

Reyting.az saytı Unikal.org-a istinadən xəbər verir ki, paytaxtın Yasamal rayonu, Zahid Xəlilov küçəsi, 63 A ünvanında yerləşən 4 ulduzlu "Lake Palace" oteli FHN Dövlət Yanğın Nəzarəti Xidmətinin rəisi, daxili xidmət general-mayoru İsrayıl Əliyevə məxsusdur. 

Müassir və klassik üslubda ətrafında süni göl yaradılaraq tikilən otelin 25 milyon manatdan çox qiyməti olduğu bildirilir. Oteldə dəbdəbəli müxtəlif restoranlar, kafelər, idman zalı, masaj salonu, sauna və üzmək üçün hovuz fəaliyyət göstərir. 

İsrayıl Əliyev otelin idarəçiliyini yaxın adamı olan Famil adlı şəxsə həvalə edib.

Otel biznesindən böyük gəlir əldə edən İ. Əliyev paytaxtda daha bir 17 mərtəbəli otel tikdirib. 

Dəyəri on milyon manatlarla ölçülən həmin otelin yaxın günlərdə istifadəyə verilməsi planlaşdırılır.