“Azərbaycan Ordusu rahat şəkildə Şuşa və Xankəndini işğaldan azad edə bilər. Düşünmürəm ki, erməni qoşunları onlara mane olmaq iqtidarındadır”.

"AzerTaym.az" unikal.org-a istinadən bildirir ki, bunu rusiyalı jurnalist, tanınmış ictimai xadim Maksim Şevçenko deyib.
“Bu gün Azərbaycan Ordusu Zəngilanın azad edilməsi ilə bağlı Prezident İlham Əliyevə məruzə edib. Bu, o deməkdir ki, Qarabağın bütün düzənlik hissəsi özünü “Dağlıq Qarabağ Respublikası”nın qoşunları adlandıran Ermənistan ordusunun işğalından təmizlənib”, - deyə M.Şevçenko vurğulayıb.

Onun sözlərinə görə, Azərbaycan Ordusu öz qüvvəsi, müasir silahları və müasir döyüş taktikası ilə işğal altındakı torpaqlarını azad edib.