MTN-dəki həbslərin qanunsuz dinləmələrlə bağlılığı təsdiqləndi - Cinayət işinin təfərrüatı
Bu gün Səbail Rayon Məhkəməsində Azərbaycan Milli Təhlükəsizlik Nazirliyinin 10-dək əməkdaşı barəsində 3 aylıq həbs qətimkan tədbiri seçilib. “Report”un əldə etdiyi məlumata görə, onlar barəsində Respublika Baş Prokurorluğunda Cinayət Məcəlləsinin 302-ci (Əməliyyat-axtarış fəaliyyəti haqqında qanunvericiliyi pozma), 308-ci (Vəzifə səlahiyyətlərindən sui-istifadə) və 309-cu (Vəzifə səlahiyyətlərini aşma) maddələri ilə cinayət işi başlanıb. Haqqında həbs qətimkan tədbiri seçilən şəxslərin hamısının adı bəlli deyil. “Report” onlardan üç nəfərinin adını əldə edib. Bunlar MTN-in Aparat rəhbəri Fərhad Vahabov, nazirliyin Monitorinq Mərkəzinin əməkdaşı Natəvan Məmmədova və polkovnik Füzuli Ələsgərzadədir. Həbs olunanlara qarşı irəli sürülən ittihamlardan (maddələrdən) belə görünür ki, MTN-dəki həbslərin Prezident və ailə üzvlərinin telefon danışıqlarının qanunsuz dinlənilməsi ilə bağlı olduğu ehtimalları özünü doğruldur.
Onlar barəsində 3 aylıq həbs qətimkan tədbiri seçilib
