Zakir Həsənov saatını əsgərə verdi
Azertaym.az xəbər verir ki, hərbi jurnalist Rahib Qərib facebook hesabında bu barədə məlumat paylaşıb. Belə ki, general-polkovnik əsgərlərdən birinə öz saatını hədiyyə edib:
“Bu dəfə cəbhə xəttində müdafiə naziri general-polkovnik Zakir Həsənovun getdiyi səngərlərdə də olduq. Müdafiə naziri ilə görüşdən xoş təəssüratlar hələ də əsgərlərin çöhrəsinə hopub qalmışdı. Nazirin xatirə yazısı olan qiymətli saat bağışladığı əsgər elə sevinc və fəxrlə qolundakı o saatı bizə göstərdi ki, pafoslu olsa da deyəcəyəm, ətrafa işıq saçırdı... Səngərlərdə işıq yoxdur, bağlı istehkamları işıqlandıran əsgərlərimiz, bəzən də o yerlər haqda səslənən qaranlıq fikirlər var. Qaranlıq qalanları işıqlandırmaq üçün hər kəs özünü sözün əsil mənasında düşmən çəpəri olan oğullarla bir cəbhədə hiss etməlidir... Yeri gəlmişkən, həmin cəbhədə çəkdiklərimizi gələn "MARŞ"da göstərəcəyik”.v
