Prezident İlham Əliyevin sərəncamı ilə Səfərbərlik və Hərbi Xidmətə Çağırış üzrə Dövlət Xidmətinə yeni rəisi təyin edilən Mürsəl İbrahimov ləğv olunmuş Milli Təhlükəsizlik Nazirliyində yüksək vəzifə tutub.

Gununsesi.info-nun özəl mənbədən əldə etdiyi xəbərə görə, nazirliyin Kadrlar İdarəsində rəis müavini olan Mürsəl İbrahimov polkovnik rütbəsi daşıyıb.

O, xidməti dövründə “Hərbi xidmətlərə görə” medalı ilə təltif olunub.

İbrahimovun sonuncu iş yeri isə Prezident Administrasiyası olub.