29 sentyabr 2020-ci ildə Sevda ana adəti üzrə qürurla Vətən uğrunda yaralananların yarasına məlhəm, şəhidlik zirvəsinə ucalananlara son təşəkkürünü yerinə yetirmək üçün Füzuli Tibb Mərkəzinə işə gəlir.

Haradan bilsin ki, həmin gün morqa gətirilən, qanını yuyub təmizlədiyi, üzərini örtdüyü şəhidlərdən biri də gözünün ağı-qarası, oğul balası Sərhəd Hüseynovdur.

Sentyabrın 29-da iki yaralı yoldaşını xilas edən Sərhəd üçüncü yaralı silahdaşını atəş altından çıxararkən düşmən gülləsinə tuş gələrək şəhidlik zirvəsinə ucalıb. Morqda işləyən şəhid anası Sevda Həsənova oğlu ilə qürur duyduğunu bildirib: socar vakansiya

"Şərəfli ölümdür. Başımı uca edib. Mən onunla həmişə fəxr etmişəm, ölənə kimi də fəxr edəcəyəm. Amma Allahdan arzum odur ki, məni oğluma tez qovuşdursun".

Sərhəd Hüseynov Vətən müharibəsində göstərdiyi şücaətə görə ölümündən sonra "Cəsur döyüşçü", "Vətən uğrunda", "Füzulinin azad olunmasına görə" medalları ilə təltif olunub.

Daha ətraflı Baku TV-nin materialında: